Sirdaryo tumani, Ziyokor MFY hududidan o‘tuvchi M-34 avtomobil yo‘lining 83-kilometrida 28-iyun kuni soat 12:30 larda YTH sodir bo‘ldi. Bu haqda Sirdaryo viloyati YHXB xabar berdi.
Maʼlum qilinishicha, Termiz-Toshkent yo‘nalishida Isuzu yuk avtomobili shu yo‘nalishda, yo‘lning o‘ng tomon qismida yo‘lovchilarni tushirish uchun to‘xtab turgan, 14 nafar yo‘lovchisi bo‘lgan Isuzu yo‘lovchi tashuvchi avtobusni orqa qismidan urib yuborgan.
Oqibatda avtobus salonida bo‘lgan 1 nafar yo‘lovchi jarohat olib, Sirdaryo tuman tibbiyot birlashmasiga murojaat qilgan.
Hozirda Sirdaryo tumani IIB xodimlari tomonidan tergov harakatlari olib borilmoqda.
Izoh (0)