Қашқадарё вилояти Касби туманидаги ёнилғи қуйиш шохобчасида ёнғин содир бўлди, деб хабар бермоқда Фавқулодда вазиятлар вазирлиги.
Қайд этилишича, 10 март куни “Дўстлик” МФЙ ҳудудидаги шохобча ҳовлисида 2 та 9 тоннали сиғим ёнган. Воқеа жойига 4 та ёнғин қутқарув бўлинмаси соат 22:04 да етиб бориб, 22:33 да ёнғинни тўлиқ ўчирган.
Ёнғин оқибатида 2 киши куйиш жароҳатини олган. Ҳозирда уларнинг аҳволи яхши. Ҳалок бўлган фуқаролар йўқ.
Ёнғин сабаби ва зарарига аниқлик киритилмоқда.
20 февраль куни Андижон вилоятининг Шаҳрихон туманидаги заправкада ҳаво-газ аралашмасининг чақнаши содир бўлганди. Оқибатда икки нафар фуқаро тан жароҳати олганди. 21 февраль куни Тошкент шаҳридаги автомобиллар ювиш жойида ёнғин юз берди. Ҳодиса оқибатида ҳеч ким тан жароҳати олмаган. Ҳалок бўлганлар ҳам йўқ.
Изоҳ (0)