Андижон вилояти Олтинкўл туманида хонадонлардан бири ёниб кетди. Вилоят ФВБ ҳолат юзасидан маълумот берди.
Унга кўра, 19 февраль куни соат 14:26 да Олтинкўл тумани “Қўштепа” МФЙда жойлашган фуқаро I.Ш.нинг яшаш уйида ёнғин содир бўлаётгани ҳақида ФВБга хабар келиб тушган. Соат 14:32 да айтилган манзилга ёнғин қутқарув экипажлари етиб борган ва соат 15:02 да содир бўлган ёнғин батамом ўчирилган.
Ҳодиса натижасида аҳоли яшаш хонадонининг 40 м/кв майдонда шифт, том қисми ёниб зарарланган. Тан жароҳати олиш ҳолатлари қайд этилмади.
Ҳозирда ёнғин содир бўлиши омиллари ва моддий зарар миқдори аниқланмоқда.
31 декабрь куни Чилонзор туманидаги овқат тайёрлаш жойида ёнғин содир бўлган эди.
17 февраль куни эса Сирдарё вилояти Ширин шаҳрида содир бўлган ёнғиндан 3 нафар вояга етмаган болалар қутқарилганди.
Изоҳ (0)