Тошкентнинг Чилонзор туманидаги сотув офисларидан бири ёниб кетди. Ҳолат акс этган тасвирлар ижтимоий тармоқларда тарқалди.
Пойтахт ФВБ матбуот хизматининг маълум қилишича, 26 февраль куни соат 02:18 да Чилонзор тумани “Тирсакобод” МФЙ ҳудудида жойлашган, қурилиш олиб борилаётган бинода ёнғин содир бўлаётгани тўғрисида хабар тушган.
Шунга кўра, ёнғин-қутқарув экипажлари соат 02:21 да воқеа жойига етиб бориб, ёнғин соат 02:46 да қуршаб олинган ва соат 02:54 да ўчирилган.
Ҳодиса оқибатида тан жароҳати олган ва ҳалок бўлганлар йўқ, ҳозирда ёнғин сабаби ва зарар миқдори аниқланмоқда.
Тошкентда сўнгги кунларда содир бўлган ёнғинлар
4 февраль куни Тошкентнинг Яшнобод туманидаги автомобиллар ювиш жойида ёнғин содир бўлганди. 11 февраль куни Яккасарой туманда янги қурилаётган бинода ёнғин юз берди. 13 февраль куни Олмазор туманидаги ишлаб чиқариш корхонасида ёнғин чиқди. 20 февраль куни йўловчи автобуси ёниб кетди.
Изоҳ (0)