Ижтимоий тармоқларда нодавлат ОТМларининг тўлов-контракт шаклидаги ўқитишдан тушадиган маблағлар бўйича молия йили охиридаги қолдиқ қисмининг 4 фоизини Республика олий таълим кенгашига йўналтириши ҳақида хабарлар тарқалди. Ҳолат юзасидан Олий таълим, фан ва инновациялар вазирлиги изоҳ берди.
Вазирлик мазкур масалада нодавлат ОТМларига шартнома тузиш тавсиявий характерга эга эканини ҳамда шартномани имзолаш мажбурий эмаслигини яна бир бор маълум қилади.
“Шу ўринда вазирлик давлат ва нодавлат олий таълим муассасаларини қўллаб-қувватлашни ўзининг устувор вазифалардан бири деб билишини, эслатиб ўтамиз”, дейилади хабарда.
2024 йилнинг декабрь ойида Республика олий таълим кенгашининг нодавлат олий таълим ташкилотлари томонидан Олий таълим муассасаларини ривожлантириш жамғармасига тўлов-контракт шаклида ўқитишдан тушадиган маблағларнинг 4 фоизини ўтказиш бўйича чиқарилган баённомасиижтимоий тармоқларда кенг муҳокамаларга сабаб бўлганди.
Ҳолатга Олий таълим, фан ва инновациялар вазирлиги муносабат билдирганди.
“Республика олий таълим кенгаши нодавлат нотижорат ташкилоти сифатида фаолият юритиб, давлат функцияларини амалга оширмайди ва қарорлари мажбурий кучга эга эмас”, дейилади муносабатда.
Изоҳ (0)