Браун университети маълумотларига кўра, 20 йил давомида АҚШ Афғонистондаги ҳарбий ҳаракатларга 2,313 триллион доллар сарфлаган.
АҚШ ҳукуматининг Афғонистонни қайта тиклаш бўйича бош инспектори Жон Сопко мазкур маблағларнинг 19 миллиард доллари талон-торож қилинганини айтиб ўтган.
Афғонистондаги тўқнашувлар давомида йўқотишлар 176 мингдан ортиқ кишини ташкил этди.
Жумладан:
- АҚШ ҳарбий хизматчилари — 2 324 нафар;
- АҚШ пудратчилари — 3 917 нафар;
- НАТО давлатларининг ҳарбий хизматчилари — 1 144 нафар;
- Афғонистон ҳарбий хизматчилари ва полицияси — 69 095 нафар;
- Тинч аҳоли — 46 319 нафар;
- Толибон ва бошқа гуруҳлар — 52 893 (Покистонда яна 32 838 жангари ўлдирилган).
Шунингдек, Афғонистондаги ҳарбий ҳаракатлар давомида 74 нафар журналист ва оммавий ахборот воситалари ходимлари ҳалок бўлган.
Бундан ташқари, 446 нафар гуманитар ёрдам ходимлари қурбон бўлган.
АҚШ 2020 йилнинг 29 февралида Афғонистондан қўшинларини олиб чиқишни бошлаган бўлиб, 2021 йилнинг 30 августига келиб Афғонистонда бирорта ҳам америкалик ҳарбий қолмагани хабар қилинганди.
Изоҳ (0)