Қашқадарё вилояти, Ғузор тумани, “Қоратикан” МФЙ ҳудудидан ўтувчи 4Р-79 Қарши—Чим—Чироқчи—Шаҳрисабз автомобиль йўлининг 25 километрида 7 октябрь куни соат 14:20 ларда ЙТҲ содир бўлди. Бу ҳақда Қашқадарё ИИБ ЙҲХБ хабар берди.
Маълум қилинишича, ҳайдовчи Б.Т. бошқарувида бўлган Mersedes-Benz автомобили Чим—Қарши йўналишида бошқариб келиб, қарама-қарши томондан ҳаракатланиб келаётган, ҳайдовчи Қ.С. бошқарувидаги Labo билан урилган.
Ҳодиса оқибатида Labo автомашинасида бўлган 2 нафар фуқаро воқеа жойида вафот этган.
Ҳолат юзасидан Жиноят кодексининг 266-моддаси 3-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, тергов ҳаракатлари олиб борилмоқда.
Изоҳ (0)