Тошкент вилоятининг Бўстонлиқ туманида 2 ёшли бола жарликка тушиб кетди. Бу ҳақда ФВВ матбуот хизмати хабар берди.
Маълум қилинишича, Тошкент вилояти ФВБга 10 апрель куни соат 22:23 ларда туманнинг “Яккатут” МФЙ ҳудудида 2 ёшли бола йўқолиб қолгани ва ўша ҳудуддаги жарликка тушиб кетганидан гумонланиб хабар берилган.
Олиб борилган қидирув-қутқарув ишлари натижасида бола ўша ҳудуд яқинидаги жарликнинг тахминан 25 метр бўлган чуқурлигидан топилган.
Бола юқорига олиб чиқилиб, ота-онасига соғ-саломат топширилган. Ҳозирда боланинг аҳволи яхши.
27 март куни Қашқадарёда қутқарувчилар томонидан лифт ичида қулфланиб қолган болалар соғ-саломат қутқарилган эди.
Изоҳ (0)