Тошкент вилоятида дарё ўртасида қолиб кетган, икки нафар ўсмир йигитга амалий ёрдам кўрсатилди, деб хабар беради ФВВ матбуот хизмати.
Маълум қилинишича, 6 август куни соат 16:30 да Тошкент вилояти ФВБга Қорасув дарёсининг Ўрта Чирчиқ тумани ҳудудидан оқиб ўтувчи қисмида икки нафар ўсмир йигит қолиб кетгани ва уларга ёрдам зарурлиги ҳақида хабар келиб тушган.
Хабарга асосан, зудлик билан айтилган манзилга ФВВ қутқарувчилари етиб борган. Аниқланишича, икки нафар ўсмир йигит дарё сувининг сатҳи пастлигидан фойдаланиб, дарёнинг марказ қисмида балиқ овламоқчи бўлган. Бир оздан сўнг сув сатҳи кўтарилиб, оқим тезлашгани боис йигитлар қирғоққа чиқа олмаган.
“Қутқарувчиларнинг саъй-ҳаракатлари натижасида йигитлар соғ-саломат қирғоққа олиб чиқилиб, яқинларига топширилган”, — дейилади хабарда.
Бир неча кун олдин Андижон вилояти Балиқчи туманида Қорадарёда икки нафар бола чўкиб кетгани тўғрисида хабар берилганди. Шунингдек, Самарқандда қайиқда суратга тушмоқчи бўлган тўрт нафар йигит сув омборида чўкиб кетган эди.
Изоҳ (0)