Шавкат Мирзиёев сунъий интеллектдан фойдаланиш этикаси бўйича модел қонун ишлаб чиқишни таклиф қилди.
Президент 7 апрель куни Тошкентда ўтаётган Парламентлараро иттифоқнинг 150-юбилей ассамблеяси ялпи мажлисида сўзда чиққанида ушбу инновацион ҳуқуқий асос дунё миқёсида тез ривожланаётган ушбу соҳани самарали тартибга солишда барча давлатлар учун ўзига хос намуна бўлишини таъкидлади.
Ўзбекистон президенти 2021 йилда “Сунъий интеллект технологияларини жадал жорий этиш учун шарт-шароитлар яратиш чора-тадбирлари тўғрисида”ги қарорни имзолаганди. Ҳужжат сунъий интеллект соҳасида маҳаллик экотизимни ва ишлаб чиқувчилар учун зарур шарт-шароитларни яратиш, соҳани ҳуқуқий тартибга солиш ва бошқа масалаларни назарда тутади.
2024 йилнинг августида давлат раҳбари масъулларга сунъий интеллект технологиялари марказини ташкил қилиш бўйича топшириқ берди. Президент сунъий интеллектни жорий этиш стратегияси ва икки йиллик лойиҳалар дастурини ишлаб чиқиш вазифасини қўйди. Ўша йилнинг октябрида “Сунъий интеллект технологияларини 2030 йилга қадар ривожлантириш стратегиясини тасдиқлаш тўғрисида”ги президент қарори қабул қилинди.
Изоҳ (0)