Шавкат Мирзиёев «Сунъий интеллект технологияларини жадал жорий этиш учун шарт-шароитлар яратиш чора-тадбирлари тўғрисида»ги қарорни имзолади. Бу ҳақда «Ўзбекистон 24» телеканали орқали маълум қилинди.
Ҳужжат сунъий интеллект соҳасида маҳаллик экотизимни ва ишлаб чиқувчилар учун зарур шарт-шароитларни яратиш, соҳани ҳуқуқий тартибга солиш ва бошқа масалаларни назарда тутади.
2021—2022 йилларда тўққизта соҳада бир нечта пилот лойиҳалар ишга туширилади: банклар, қишлоқ хўжалиги, молия, солиқ, фармацевтика, соғлиқни сақлаш, транспорт, энергетика, электрон ҳукумат.
1 июлдан бошлаб тадқиқотлар доирасида сунъий интеллектни қўллаш бўйича махсус ҳуқуқий режим жорий этилмоқда. Унга 200 миллиард сўм ажратиш белгиланган. Жумладан:
- Сунъий интеллектни ривожлантириш бўйича илмий-тадқиқот институти;
- Ахборот технологиялари ва коммуникацияларини ривожлантириш вазирлиги ҳузурида алоҳида департмент;
- Турли ташкилот ва идораларнинг қўшма альянси;
- Рақамли маълумотлар платформаси ташкил этилади.
Бундан ташқари, овозли биометрияни жорий этиш бўйича Россиянинг «Сбер» гуруҳи билан ҳамкорлик йўлга қўйилмоқда, ҳозирда Face ID’ни жорий этиш ишлари олиб бориляпти.
Изоҳ (0)