“Гарри Поттер” оламида яна бир сюжетга оид хатолик аниқланди, бу эса баъзи воқеаларнинг мантиқийлигини шубҳа остига қўймоқда. Айниқса, “Ғаройиб махлуқлар: Гринделвалд жиноятлари” фильмининг сюжети “Гарри Поттер” ҳақидаги воқеаларнинг приквели бўлганлиги сабабли бу ҳолат кўплаб саволларни келтириб чиқарди.
Фото: Screen Rant
Фильмдаги воқеалар 1927 йилда содир бўлади. Унда томошабин “Гарри Поттер” давридаги энг машҳур қаҳрамонлардан бири — профессор Минерва Макгонагаллнинг ёшлигини кўриш имконига эга бўлади.
Сюжет бўйича трансфигурация фани ўқитувчиси Хогвартс сеҳргарлик мактабида аллақачон ишлай бошлайди. Фильмда актриса ўз педагогик фаолиятини эндигина бошлаётган ёш қиёфада тасвирланади.
Бироқ “Гарри Поттер” оламининг эътиборли ва ашаддий мухлислари иккала фильмдаги саналарни солиштириб, муҳим бир саволни ўртага ташлашди: Минерва Макгонагалл қандай қилиб Хогвартсда дарс бера олган, ахир у ўша йилда ҳали туғилмаган эди-ку?!
Фото: Screen Rant
Гап шундаки, профессорнинг туғилган санаси китобда аниқ кўрсатилган: Минерва Макгонагалл 1935 йилда дунёга келган. Шу сабабли у “Ғаройиб махлуқлар: Гринделвалд жиноятлари” фильмидаги воқеалар пайтида Хогвартсда дарс бериши имконсиз эди, чунки бўлажак профессор ҳали дунёга келмаган бўлар эди.
Мазкур хатоликни “вақт айлантиргич” ускунаси ёрдамида ҳам тушунтириб бўлмайди. Макгонагаллнинг вақт бўйлаб саёҳат қилиши учун у аввало туғилган бўлиши керак эди. Приквел муаллифлари эса бу хатоликка ҳеч қандай расмий изоҳ бермаган.
Эслатиб ўтамиз, профессор Макгонагалл ролини ижро этган британиялик актриса Мегги Смит 27 сентябрь куни 89 ёшда оламдан ўтди.
Изоҳ (0)