АҚШнинг Жоржия штатида ўлик аёлнинг ҳомиласи кесарча кесиш йўли билан туғдириб олинди. Бу ҳақда аёлнинг онасига таяниб BBC хабар берди.
Марҳум аёлнинг исми Адриана Смит бўлиб, унинг фарзандига Чанcе деб исм қўйилган. У 13 июнь куни муддатидан аввал дунёга келтирилган. Вазни 0.8 килограмм бўлган бола ҳозирда неонатал реанимация бўлимида сақланаётгани айтилган. Адриананинг онаси Апрель Ньюкирк шундай деди:
“Болани яхши бўлишини айтишди. Ҳозирда у ҳаёт учун курашмоқда. Мен унинг ҳақига дуо қиляпман”.
Аёлнинг айтишича, 31 ёшли ҳамшира бўлган марҳума қизи 17 июнь куни сунъий нафас аппаратидан узиб қўйилган.
Адриана февраль ойида қаттиқ бош оғриғи туфайли шифохонага борган ва унга дори-дармон берилиб, уйига жўнатилган. Аммо эртаси куни Адриана нафас қисишидан уйқусидан уйғониб кетган. Эмори университети касалхонаси унинг миясида тромб ҳосил бўлганини аниқлаб, уни “ўлган” деб маълум қилган.
Ўша пайтда унинг ҳомиласи туғилишига 3 ойдан кўпроқ вақт бор эди. Шифокорлар оилага сунъий нафас қурилмасини ўчириб қўя олмаслигини маълум қилган. Чунки штат қонунларига кўра, ҳомиладорликнинг олтинчи ҳафтасидан кейин аборт қилиш мумкин эмас.
Изоҳ (0)