Чехияда шифокорлар томонидан ўлгани тасдиқланган аёл тобутда қайта тирилди. Бу ҳақда Fox News хабар берди.
Чехияда 88 ёшли аёл умр йўлдоши томонидан ётоқхонада ҳушсиз ҳолатда топилган. Эркак дарҳол бу ҳақда Пилсен фавқулодда хизматларига хабар берган. У турмуш ўртоғи ҳаракатсиз ҳолатда эканини ва нафас олмаётганини маълум қилган.
Тез ёрдам ходимлари етиб келгач, аёлнинг вафот этганини тасдиқланган ва терговчи ёлланган. Терговчи ҳам аёлнинг ўлимини тасдиқлагач, жасадни тобутга кўчириш учун гўрковлар чақирилган. Улар аёлни тобутга ўтказиши билан унинг тириклигини аниқлаган. Кўп ўтмай тез ёрдам машинаси етиб келган ва аёл шифохонага олиб кетилган.
Бу Lazarus эффекти деб номланадиган ноёб тиббий ҳодиса ҳисобланади. У одатда кардиопулмонар реанимациядан кейин бемор клиник ўлим ҳолатига тушгач содир бўлади. Миллий соғлиқни сақлаш институтлари маълумотларига кўра, 1982-2022 йилларда АҚШда 74 та шу каби ҳолат қайд этилган.
Изоҳ (0)