Фарғона вилояти Ўзбекистон туманидаги боғчада ташқарига рухсатсиз чиққан 4 ёшли бола чўкиб кетиб, вафот этганди. Ушбу боғчада тарбияланувчилар учун сарфланиши лозим бўлган озиқ-овқатлар талон-торож қилингани ҳам аниқланди.
Бош прокуратура матбуот котиби Ҳаёт Шамсутдиновнинг маълум қилишича, 23-сонли давлат мактабгача таълим ташкилотининг молиявий фаолияти ўрганилганда, тарбияланувчилар учун сарфланиши лозим бўлган 24,3 миллион сўмлик озиқ-овқат маҳсулотлари талон-торож қилингани аниқланган.
Ҳолат юзасидан 167-моддаси 2-қисми «г» банди (ўзлаштириш ёки растрата йўли билан талон-торож қилиш) билан жиноят иши қўзғатилган. 4 ёшли тарбияланувчи бола дарёда чўкиб вафот этгани юзасидан ушбу мактабгача таълим ташкилотининг барча мансабдор шахслари ва ходимларига нисбатан Жиноят кодексининг 116-моддаси (касб юзасидан ўз вазифаларини лозим даражада бажармаслик) 3-қисми билан жиноят иши қўзғатилган.
Изоҳ (2)
Iloji bolsa mtt ga bildirmasdan turib tez tekshiruv qilsa kop narsa chiqsa kerak
Imkon qadar qonun bo'yicha jazolansn eng og'ir jazoni olsin u g'alamis xoramxo'rlar