Америкалик миллиардер Илон Маск ўғли Ксавер “воукизм вирусидан ўлганини” маълум қилди.
Ўғлимни йўқотдим. Менинг ўғлим Ксавер “воукизм вируси”дан вафот этди, дейди тадбиркор.
- Воукизм — ирқий ва жинсий озчиликларнинг ижтимоий-сиёсий ҳаракатларига асос бўлиб хизмат қилувчи ва уларнинг уйғонишини (woke — “уйғониш”) “ҳуқуқли шахс сифатида ўзини англаш” маъносида назарда тутувчи мафкура.
Унинг қўшимча қилишича, Ксавер мазкур “вирус” сабабли гормонал блокаторларини қабул қила бошлаган.
Маскнинг сўзларига кўра, уни алдаб, тўнғич фарзандига гормонал блокаторларни олишга розилик варақасига имзо чектиришга муваффақ бўлишган. У ўғлининг даволанишига рози бўлганида, унга ушбу восита моҳиятан “стерилизация дориси” эканлиги тушунтирилмаган. У мазкур “вирус”ни йўқ қилишга ваъда берганини қўшимча қилган.
Маскнинг тўнғич ўғли, ўзини қиз бола деб тан олган Ксавер 2022 йил июнь ойида 18 ёшга тўлганидан кейин исмини ўзгартириш учун ариза берган. У аёллар исмини ҳамда онасининг қизлик фамилиясини олган ва Вивиан Женна Уилсон бўлган. У биологик отаси билан ҳеч қандай алоқада бўлишни истамаслигини айтган.
17 июль куни Илон Маск Калифорнияда LGBТ қонуни қабул қилиниши муносабати билан SpaceX бош қароргоҳини Техасга кўчиришини маълум қилган эди.
Изоҳ (0)