Россия 9 июлга ўтар кечаси Украинага 741 та дрон ва ракета билан ҳужум қилди. Бу ҳақда “Украинская Правда” хабар берди.
Бу уруш бошланганидан бери учирилган рекорд миқдордаги дрон ҳисобланади. Қурбонлар ва жароҳатланганлар ҳақида маълумот берилмаган. Учирилган техникаларнинг 718 таси Украина ҳаво ҳужумидан мудофаа кучлари томонидан зарарсизлантирилган. 4 та ҳудудга зарба берилгани ва 14 та жойда дронларнинг қолдиқлари қулагани қайд этилган.
Ушбу сўнгги ҳужумда руслар қуйидаги техникалардан фойдаланган:
—728 та “Shahed” типидаги ҳужумчи дронлари ва турли хил дрон имитациялари;
-—7 та “Х-101/Искандер-К” қанотли ракета;
— 6 та “Х-47М2 Даггер” аэробаллистик ракета.
Ҳужумнинг асосий нишони Луцк шаҳри бўлган. Шунингдек, Днепр, Житомир, Киев, Кировоҳрад, Николаев, Суми, Харьков, Хмелницкий, Черкаси ва Чернигов ҳудудларида ҳам зарабалар ҳақида маълумот берилган.
Дастлабки маълумотларга кўра, ҳаво ҳужумига қарши мудофаа 718 та душманнинг ҳаво ҳужуми қуролини зарарсизлантирган, яна 303 таси ўқотар қурол билан уриб туширилган. Ҳаво ҳужуми билан авиация, зенит-ракета кучлари, дронлар ва Украина мудофаа кучларининг мобил ўт очиш гуруҳлари курашган.
Изоҳ (0)