Италияда ўғрилар Британия лордлар палатаси аъзоси 65 ёшли Ару Дарзининг қўлига тақилган қимматбаҳо соатни ўғирлаб кетди. Бу ҳақда Mail Online хабар берди.
Ҳодиса 14 июль куни Капри курорт оролида юз берган. Икки номаълум шахс лорднинг қўлидаги қимматбаҳо соатни пайқаб қолиб, уни ечиб олган. Шундан сўнг ўғрилар кўздан ғойиб бўлган. Гап тахминан 200–250 минг евро турадиган Richard Mille RМ 07 модели ҳақида кетмоқда.
Ўғрилик машҳур савдо кўчасида, Дарзи дўстлари билан дам олаётган яхтадан чиққанида содир бўлган. Полиция ҳужум қилганлар кузатув камераларига тушиб қолганини маълум қилган. Ўғриликдан сўнг улар оролнинг тор кўчаларидан югуриб кетаётганини, кейинроқ эса моторли қайиқда сузиб кетганини кўриш мумкин.
Капри мэри Паоло Фальконинг айтишича, талончилик, катта эҳтимол билан, олдиндан режалаштирилган бўлган. У бундай ҳужум оролда камдан кам учрашини таъкидлаб, хавфсизлик чораларини кучайтиришга ваъда берган.
Бу ҳақиқатан ҳам кўп йиллардан бери содир бўлмаган даҳшатли ҳодиса, деган Фалько.
Таъкидланишича, ўғрилик оқибатида лорд Ара Дарзининг ўзи жароҳат олмаган. У таниқли жарроҳ ва профессор бўлиб, 2007 йилда Дарзи унвонига сазовор бўлган ва Буюк Британия соғлиқни сақлаш вазири лавозимида ишлаган.
Изоҳ (0)