Покистонда 28 июнь куни автомобиль портлаши оқибатида 13 нафар ҳарбий ҳалок бўлиб, тинч аҳоли вакиллари яраланди. Бу ҳақда BBC хабар берди.
Мамлакат расмийларига кўра, ҳодиса Афғонистон билан чегара яқинидаги Шимолий Вазиристон ҳудудида юз берган. Худкуш террорчи портловчи моддалар билан тўлдирилган машинани ҳарбий карвонга қараб ҳайдаган.
Покистон ҳужум ортидаги жангарилар Ҳиндистон томонидан қўллаб-қувватланганини даъво қилган. Аммо Ҳиндистон Ташқи ишлар вазирлиги матбуот котиби Рандҳир Жаисвал бу даъвони рад этган.
Ҳужум учун жавобгарликни Покистоннинг “Ҳофиз Гул Баҳодир” қуролли гуруҳининг худкуш-террорчи қаноти ўз зиммасига олган. Покистон армияси эса ҳужум Ҳиндистон томонидан қўллаб-қувватланган жангарилар томонидан амалга оширилганини айтган, аммо далиллар келтира олмаган.
“Ушбу фожиали ва ваҳшиёна ҳодисада 3 нафар бегуноҳ фуқаро, жумладан, 2 бола ва бир аёл оғир жароҳат олди”, дейилади Покистон армияси баёнотида.
Покистон бош вазири Шаҳбоз Шариф бу ҳодисани “қўрқоқлик ҳаракати” деб баҳолаган.
Изоҳ (0)