Ўзбекистон Профессионал бокс федерациясига янги раис сайланди. Бу ҳақда Спорт вазирлиги хабар берди.
26 май, душанба куни Ўзбекистон Профессионал бокс федерациясининг навбатдан ташқари конференцияси бўлиб ўтди.
Спорт вазири Адҳам Икрамов ҳамда федерация масуллари, боксчилар иштирок этган мазкур тадбирда Ўзбекистон профессионал бокс федерациясинининг янгиланган таркиби шакллантириб олинди.
Унга кўра Билол Эркинов Ўзбекистон Профессионал бокс федерацияси раиси этиб сайланган. Шунингдек, федерация раисининг биринчи ўринбосари сифатида Ғофур Раҳимов, ўринбосарлар сифатида Зиёвиддин Хожиниёзов ва Умид Ёқубов сайланди. Федерация бош котиби сифатида Ойбек Мўминов ўз фаолиятини давом эттиради.
Изоҳ (0)