Клублар ўртасидаги Жаҳон чемпионатининг чорак финал учрашувлари 4–5 июль кунлари ўтказилди.
Дастлабки баҳс Бразилиянинг “Флуминенсе” ҳамда Саудия Арабистонининг “Ал-Ҳилол” жамоалари ўртасида бўлиб ўтди.
Учрашувда ҳисоб бразилияликлар томонидан очилди. Мартинеллнинг 40-дақиқада урган голига саудияликлар 51-дақиқада Маркос Леонардонинг голи билан жавоб берди.
70-дақиқада Эркулес “Флуминенсе”га ғалаба келтирган голни урди ва жамоа ярим финалга йўл олди.
Навбатдаги баҳс эса Англиянинг “Челси” ҳамда Бразилиянинг “Палмейрас” клублари иштирокида ўтди.
16-дақиқада Палмер гол урган бўлса, 53-дақиқада Эстевао ҳисобни тенглаштирди. 83-дақиқада Вевертон ўз дарвозасига тўп киритиб қўйди ва лондонликлар ярим финалнинг иккинчи иштирокчиси бўлди.
“Флуминенсе” – “Челси” баҳси 8 июль куни Тошкент вақти билан 00:00 да старт олади.
Изоҳ (0)