Бразилиялик ҳимоячи Тиаго Сильва фаолиятини Лондоннинг «Челси» клубида давом эттиради. Бу ҳақида «аристократлар» матбуот хизмати хабар берди.
35 ёшли Сильва лондонликлар билан 1+1 кўринишида шартномага имзо чеккан. Яъни келаси мавсум сўнгида унинг шартномаси натижаларига қараб автоматик равишда яна бир йилга узайтирилиши мумкин. Тиаго аввалроқ ПСЖни тарк этганди ва у «Челси» сафига эркин агент сифатида келиб қўшилди.
«Челси» сафига қўшилганимдан жуда ҳам хурсандман. Келаси мавсумда Фрэнк Лэмпард жамоасининг бир қисми бўлишдан бахтиёрман. Бу ерга совринларни қўлга киритиш учун келдим. Тез орада кўришгунча, «Челси» мухлислари! Жуда тез фурсатларда «Стемфорд Бриж»да майдонга тушишга умид қиламан.Маълумот учун, Сильва 2012 йилдан бери ПСЖ шарафини ҳимоя қилиб келаётганди. У Париж клуби сафида 315 та ўйин ўтказиб, 17 та гол урди ва 5 та голли узатмани амалга оширди. Бразилиялик футболчи фаолияти давомида «Жувентуде», «Порту», «Флуминенсе» ва «Милан» клубларида ҳам тўп тепган.Тиаго Сильва, ҳимоячи
Эслатиб ўтамиз, «Челси» ҳозирга қадар Ҳаким Зиёш, Тимо Вернер, Маланг Сарр каби футболчилар трансферини эълон қилган эди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)