Саудия Арабистонининг “Ан-Насср” клуби расмий саҳифалари орқали италиялик бош мураббий Стефано Пиолини лавозимидан озод этилганини маълум қилди. Клуб матбуот хизмати мутахассисга олиб борган меҳнати учун миннатдорлик билдирди.
Эслатиб ўтамиз, Пиоли 2024 йилнинг сентябрьида “Ан-Насср” бош мураббийи этиб тайинланган эди. У раҳбарлигида жамоа Саудия Про Лигасининг якунланган мавсумида 3-ўринни эгаллади. Шунингдек, жамоа Осиё Чемпионалар Лигаси ярим финалида “Кавасаки”га 2:3 ҳисобида мағлуб бўлиб, мусобақа билан хайрлашди.
Шунингдек, италиялик мутахассис тез орада “Фиорентина” клуби бош мураббийига айланишиши кутилмоқда. Инсайдер Фабрицио Романонинг хабарига кўра, мутахассис Флоренсия клуби билан уч йиллик шартнома имзолайди.
Стефано Пиоли бунгача “Болонья”, “Лацио”, “Интер”, “Фиорентина” ва “Милан” клубларида фаолият олиб борган.
Изоҳ (0)