Ўзбекистон терма жамоаси ва Римнинг “Рома” клуби ҳужумчиси Элдор Шомуродов Истанбулнинг “Башакшеҳир” клубига ўтишга яқин турибди. Журналист Яғиз Сабунчуоғлининг маълум қилишича, футболчи аллақачон Туркияга етиб борган.
Унга кўра, турк клуби Шомуродов билан шартнома бўйича келишувга эришган. Футболчи яқин вақт ичида “Башакшеҳир” учун тиббий кўрикдан ўтади ва шартномага имзо чекади.
🚨 Başakşehir'in anlaşmaya vardığı Roma forması giyen Eldor Shomurodov, sağlık kontrolü ve resmi imza için İstanbul'a geldi! https://t.co/FvS5VwwX3m
— Yağız Sabuncuoğlu (@yagosabuncuoglu) July 10, 2025
Маълумот учун, аввалроқ инсайдер Фабрицио Романо “Башакшеҳир” Шомуродовни 3 миллион евро эвазига ижарага олиши ва шартномада 2,7 миллион еврога мажбурий сотиб олиш банди ҳам кўзда тутилгани борасида хабар берган эди. Шунингдек, “Рома” ҳужумчининг кейинги трансферидан 10 фоиз улушга эга бўлади.
Маълумот учун, Элдор Шомуродовнинг “Рома” билан амалдаги шартномаси 2026 йил ёзига қадар мўлжалланган. Transfermarkt портали унинг бозор қийматини 5 миллион еврога баҳоламоқда.
Аввалроқ ОАВда ҳужумчига А Сериянинг бошқа бир клуби — “Кремонезе” ҳамда Франция чемпионати вакили “Ренн” ҳам қизиқиш билдиргани ҳақида хабарлар тарқалган эди.
Изоҳ (0)