Италиянинг “Рома” клубида ҳаракат қиладиган ўзбекистонлик ҳужумчи Элдор Шомуродов ёзги трансфер ойнаси вақтида римликлар сафини тарк этишга яқин турибди. Romapress нашрининг хабарига кўра, Италиянинг “Кремонезе” клуби футболчи борасида музокара бошлаб юборди.
Манбага кўра, Кремон клуби “Рома”га Шомуродов бўйича расмий таклиф юборган. “Бўрилар” эса ҳужумчи учун 8 миллион евро сўрамоқда. Гарчи унга Франция ва Туркия клублардан бошқа таклифлар бўлган бўлса-да, Шомуродов А Серияда қолишни афзал кўрмоқда. “Кремонезе” мазкур вазиятдан фойдаланиб, Элдорни ўз сафига қўшиб олишни мақсад қилган.
Маълумот учун, аввалроқ ОАВда Шомуродовга Туркиянинг “Башакшеҳир” клуби жиддий қизиқиш билдиргани ҳамда ўзбекистонлик ҳужумчи истанбулликлар билан шартнома имзолаш учун Туркияга учиб боргани борасида миш-мишлар тарқалган эди. Шунингдек, Франциянинг “Ренн” клуби ҳам Элдор атрофидаги вазиятларни кузатиб бормоқда.
Изоҳ (0)