Клублар ўртасидаги жаҳон чемпионати финалидаги мағлубиятга қарамай, “ПСЖ” якунланган мавсум кўплаб совринларни қўлга киритди. Энди эса бош мураббий Луис Энрике клубдан учта асосий футболчи билан боғлиқ масалани ҳал қилишни талаб қилмоқда. Бу ҳақда L’Équipe хабар берди.
Биринчи навбатда, клуб 22 ёшли вингер Бредли Барколя билан шартномани узайтириши зарур. Унинг атрофидаги вазиятни “Бавария” жиддий тарзда кузатиб бормоқда, аммо футболчи “ПСЖ”да қолишни истамоқда ва клуб ҳам уни узоқ муддатга сақлаб қолмоқчи. Шундай бўлса-да, парижликлар Бредли билан янги шартнома имзолаши ва унда футболчининг маошини сезиларли даражада ошириши талаб қилинмоқда.
Иккинчи ном — Усмон Дембеле. 28 ёшли футболчи аллақачон жамоадаги энг кўп маош олувчи ўйинчи саналади (ойига 1,5 млн евро). Агар шартномаси 2028 йилдан кейин узайтирилса, у Европадаги энг кўп маош олувчи 5 футболчидан бирига айланиши мумкин.
Учинчи — 20 ёшли Дезире Дуэ. Унинг шартномаси 2029 йилгача амал қилади, аммо “ПСЖ” ҳозирдан уни яхшилаш устида ўйламоқда, чунки ёш футболчи жамоанинг келажакдаги энг муҳим футболчиларидан бири сифатида қаралаяпти. Шунингдек, жамоа бу орқали бошқа Европа клубларининг уни қўлга киритиш имкониятини олдиндан йўққа чиқаришни хоҳлаяпти.
Луис Энрике эса клуб раҳбариятидан мазкур музокараларни тезроқ якунлашини талаб қилмоқда.
Изоҳ (0)