Англиянинг “Челси” клуби 2025 йилги Клублар ўртасидаги Жаҳон чемпионати финалида Франциянинг “Пари Сен-Жермен” жамоасини 3:0 ҳисобида мағлуб этди. “Кўклар” ушбу турнирдаги иштироки учун жами 120 миллион доллар (тахминан 103 миллион евро) миқдорида мукофот пули ишлаб олди. Бу ҳақда журналист Бен Жейкобс хабар берди.
Клуб турнирдаги иштироки учун маълум миқдорда мукофот пули олган бўлса, гуруҳ босқичидаги ҳар бир ғалабаси учун — 2 млн долларни қўлга киритди. “Аристократлар” 1/8 финалдаги ғалаба учун 7,5 млн евро, чорак финал учун 12,5 млн евро, ярим финал учун 21 млн евро ва финалдаги ғалаба эвазига 40 млн евро мукофот пулига эга чиқди.
“Челси” гуруҳ босқичида “Фламенго”га мағлуб бўлса-да, “Эсперанс” ва “Лос-Анжелес” жамоаларини ортда қолдириб, иккинчи ўринни эгаллаган ҳолда плей-оффга йўл олди. Лондонликлар финал йўлида “Флуминенсе” (2:0), “Палмейрас” (2:1) ва “Бенфика” (4:1) устидан ғалаба қозонди. Жамоа ҳал қилувчи учрашувда “ПСЖ”ни Коул Палмернинг дубли ҳамда Жоао Педронинг голи эвазига йирик ҳисобда ғалаба қозониб, бош совринни қўлга киритди.
Финалда иккита гол муаллифига айланган Коул Палмер турнирнинг энг яхши футболчисига айланган бўлса, “Челси” посбони Роберт Санчес энг яхши дарвозабон соврини қўлга киритди. “ПСЖ” аъзоси Дезире Дуэ эса мусобақанинг энг ёш футболчиси мукофотига эга чиқди.
Изоҳ (0)