2025 йилги Клублар ўртасидаги Жаҳон чемпионати финалида Англиянинг “Челси” ва Франциянинг “ПСЖ” жамоалари ўзаро баҳс олиб боришди. Ҳал қилувчи учрашув АҚШнинг “MetLife” стадионида бўлиб ўтди. Унда “Челси” 3:0 ҳисобида ғалаба қозониб, бош совринни қўлга киритди.
Лондон клуби илк бўлимдаёқ ўйин тақдирини ҳал қилди. 22-дақиқада Коул Палмер ҳисобни очди. Орадан 8 дақиқа ўтиб, у иккинчи бор Париж клуби дарвозасини ишғол қилди. 43-дақиқада эса Жоао Педро учинчи голни уриб, жамоасининг ғалабасини деярли кафолатлади.
Иккинчи бўлим ҳам кескин курашлар остида ўтди. “ПСЖ” ҳисобни қисқартиришга уриниб, бир нечта хавфли ҳужумлар уюштирди, бироқ уларнинг барчаси самарасиз якунланди.
Ўйиннинг 86-дақиқасида парижликлар футболчиси Жоау Невеш “Челси” ҳимоячиси Марк Кукуреляни сочидан тортгани учун тўғридан-тўғри қизил карточка олди.
Шу тариқа, “Челси” илк бўлимда урилган голлар эвазига йирик ҳисобда ғалаба қозониб, янги форматдаги Клублар ўртасидаги Жаҳон чемпионатининг илк чемпионига айланди.
Клублар ўртасидаги Жаҳон чемпионати
Финал
14 июль, душанба
“Челси” — “ПСЖ” 3:0
Голлар: 1:0 — Палмер (22), 2:0 — Палмер (30), 3:0 — Педро (43)
Изоҳ (0)