Хитойда Лонг фамилияли 82 ёшли эркак мушугига ғамхўрлик қилиш шарти билан ўзининг барча меросини нотаниш одамга қолдиришга тайёр. Бу ҳақда South China Morning Post хабар берди.
Лонгнинг фарзандлари йўқ, рафиқаси эса 10 йил олдин вафот этган. Ёмғирли кунларнинг бирида у учта болали мушукка дуч келди ва уларга ёрдам беришга қарор қилди. Мушукка Сянбу деб лақаб қўйди ва ўз уйидан жой берди.
Бир пайт Лонг вафотидан кейин мушугига кимғамхўрлик қилишини ўйлаб қолди ва ўзига васий қидира бошлади.
Эркакнинг айтишича, у мушугига “яхши ғамхўрлик қилишга” тайёр бўлган ҳар қандай кишига ўзининг барча меросини, шу жумладан квартирасини ва жамғармаларини беришга тайёр.
Сянбуга ғамхўрлик қилиш бўйича шартнома шартлари ошкор этилмаган. Нашрнинг қайд этишича, Лонг ҳалигача ўзига муносиб одамни топа олмаган.
Ижтимоий тармоқларда бу янгилик қизғин муҳокама қилинмоқда. “Ё унга мушукларни яхши кўрадиганлар учрамади, ёки чолнинг шартлари жуда қаттиқ”, деб ёзади фойдаланувчилардан бири.
“Чол ўз мулкини беришга тайёр бўлиши мумкин, аммо бу таклифни қабул қилган киши унинг қариндош-уруғлари томонидан суд даъволарига дуч келиши мумкин. Улар меросга бўлган ҳуқуқларини даъво қилишлари эҳтимоли бор”, дейди яна бир интернет фойдаланувчиси.
Ижтимоий тармоқ фойдаланувчиларининг бир қисми эса, мушукка пулсиз ҳам ғамхўрлик қилишларини таъкидлади.
Изоҳ (0)