Ўзбекистон миллий терма жамоаси ва “Манчестер Сити” ҳимоячиси Абдуқодир Ҳусанов “Манчестер Юнайтед” сафига ўтиши мумкин. Бу ҳақда Scout in Eurasia нашри хабар бермоқда.
Манбага кўра, “Манчестер Юнайтед” скаутлари Ҳусановнинг атрофидаги вазиятни диққат билан кузатиб бормоқда ва уни янги мавсумда жамоани кучайтириш учун асосий номзодлардан бири сифатида кўриб чиқмоқда.
Маълумки, Ҳусанов 2024 йилнинг қишки трансферлар ойнасида “Манчестер Сити” билан шартнома имзолаган эди. Бироқ, у клубда доимий ўйин амалиётига эга бўлмаяпти. Шу боис, футболчининг ижарага берилиши эҳтимоли ортган.
Манбага кўра, “Манчестер Юнайтед” скаутларидан бири қуйидагича изоҳ берган: “Мен Ҳусановни кашф қилган скаутман. Марказий Осиё футболи салоҳияти борасида ижобий фикрдаман”.
Эслатиб ўтамиз, Абдуқодир Ҳусанов 2025 йил бошида “Манчестер Сити”га ўтганди. Сўнгги уч ой ичида у жамоа сафида атиги бир учрашувда майдонга тушган.
Маълумот учун, “Манчестер Юнайтед” Англиянинг энг совриндор клубларидан бири саналади. Клуб ҳисобида 13 та Англия Премьер Лигаси чемпионлиги, 13 та Англия кубоги ва 3 та УЕФА Чемпионлар Лигаси ғалабаси мавжуд.
Изоҳ (0)