Брендларнинг спортчилар билан ҳамкорлиги икки томонлама фойдали жараён ҳисобланади. Баъзида машҳурлар бутун дунёга тарқаладиган нохуш вазиятлар ва жанжалларга аралашиб қолишади. Спортчилар эса ўз обрўларини жуда эҳтиёткорлик билан сақлашади, чунки бутун жамоа, ҳатто мамлакатнинг нуфузи хавф остида қолиши мумкин. Бундай шахс билан шартнома тузиш анча ишончли, чунки навбатдаги шов-шувли ҳодисадан сўнг шошилинч равишда шартномани бекор қилиш ва кечирим сўрашга тўғри келмайди.
Киллиан Мбаппе — Dior
Dior Homme тармоғининг ижодий директори Ким Жонс 2021 йилдаёқ Киллиан Мбаппени мода оламига олиб кирган — ўшанда у фақат Sauvage атирларини реклама қилган. Кейинчалик ПСЖ футболчиси Dior костюмларида кўрина бошлади, аммо бу ҳали ҳам расмий ҳамкорлик ҳисобланмаган. Одатда спортчилар каттароқ гонорар талаб қилишлари ёки шунчаки мода оламига қўшилишни истамасликларı сабабли брендлар юзига айланишдан бош тортади. Бироқ Ким Жонс Киллиани тўлақонли шартнома тузиш керак бўлган амбассадор деб ҳисобламаган, шу боис футболчи узоқ вақт давомида фақат атирларни намойиш этиб келган.
2025 йилга келиб янги ижодий директор Жонатан Андерсон Киллиан билан тўлиқ шартнома имзоламагунча вазият ўзгармади. Киллиан ва Dior уйи ўртасидаги ҳамкорликнинг натижасини ҳозирча баҳолаш қийин, бироқ агар бренд спортчи билан шартномани узайтирган ва унга кийимлар тўпламини тақдим этишни ишониб топширган бўлса, демак, атир савдоси ажойиб натижа кўрсатган бўлиши керак.
Янник Синнер — Gucci
2023 йилда икки ёрқин италиялик — Gucci уйи ва теннисчи Янник Синнер ўртасида ажойиб ҳамкорлик бошланди. Бу ҳамкорлик дарҳол афсонавий тус олди: Янник Уимблдон тарихида биринчи бўлиб махсус буюртма асосида тайёрланган юқори ҳашаматли бренд сумкаси билан кортга чиққан ўйинчига айланди. Халқаро теннис федерациясининг рухсатини олган бу пиар ўзини тўла оқлади — ҳам спортчи, ҳам бренд ўзларига етишмаётган эътиборни жалб қилишди. Айниқса Янник учун бу муҳим эди, чунки ўшанда у илк бор “Катта дубулға” мусобақасининг ярим финалига чиққанди. Ўшандан бери Янник ва Gucci яқин ҳамкорликда ишламоқда: спортчи бренд реклама кампанияларида, унинг спорт тадбирларида ва ҳатто мода намойишларида ҳам иштирок этмоқда.
Даниил Медведев — Bovet
Бошқа брендлар теннискор трендига эндигина эргашишни бошлаганида, Швейцариянинг Bovet соат ишлаб чиқарувчилари аллақачон бу йўналишнинг бошида турар эди. Улар 2019 йилда Даниил Медведевни ҳамкорликка таклиф этиб, у билан 2026 йилгача шартнома тузди. Истиқболли спортчини жалб қилиш ғояси бренд асосчиси Паскал Раффига тегишли бўлиб, у россиялик юлдузни биринчи “Катта дубулға” турниридан олдиноқ пайқаган эди.
Эилин Гу — Tiffany & Cо
Ҳозирда Хитой ва Корея дунёдаги энг машҳур мамлакатлар қаторига киради. Дунё тобора Осиёга юзланмоқда ва Жанубий Кореянинг Blackpink гуруҳи аъзолари Женни ва Лисанинг дунёнинг асосий трендсеттерларига айланаётгани бунинг яна бир исботидир. Гарчи айдоллар кутилган мода йўналиши бўлса-да, йирик брендлар Осиё спортчиларига ҳам қизиқиш билдира бошлашди. Бу рўйхатдаги Эйлин Гу АҚШда машқ қиладиган ва Хитой номидан чиқиш қиладиган фристайлчи бўлиб, у 2021 йилда Tiffany & Cо билан шартнома тузди. 2022 йилда эса Эйлин Пекин Олимпиадасида олтин медаллни Tiffany & Cо узукларини таққан ҳолда намойиш қилди.
Льюис Ҳемилтон — Dior
Формула-1 пойгачисининг брендлар билан ҳамкорлиги 2017 йилда Tommy Hilfiger реклама кампаниясидан бошланган. Бу ҳамкорлик 2024 йилгача давом этди. 2019 йилда эса бренд ва спортчи биргаликда чиқарган коллекция бир неча кун ичида сотилди. Льюиснинг эътироф этишича, мода унга ўзини эркин ифода этиш имконини беради. Спортчи Valentino билан шартнома имзолаб, дарҳол унинг асосий ранги — Pink PP нинг юзига айланди.
2024 йилда Льюис янада юқорига кўтарилди: Dior Hommе билан ҳамкорлик шартнома имзолади ва тоғ чанғиси спорт коллекциясини намойиш этилди.
Юзуру Ханю — Gucci
Осиё бозорини қамраб олиш ва айниқса ёш аудиторияни жалб этиш учун Gucci 2024 йилда Юзуру Ханюни ҳамкорликка таклиф этди. Бироқ унинг Эйлин Гудан фарқи шундаки, Юзуру 2022 йилда спортдаги фаолиятини якунлагандан сўнг бренд билан шартнома имзолашга қарор қилди. Илгари у йирик брендлар билан ишламаслик қоидасига амал қилиб, бутун эътиборини карьерасига қаратган эди. Ҳозирда Юзуру бренднинг кўргазмалари ва бошқа тадбирларида иштирок этмоқда, шунингдек, Gucci кийимларида тадбирларга ташриф буюрмоқда.
Изоҳ (0)