1981 йил 29 июль куни Диана Спенсер Уэлс шаҳзодаси Чарльзга турмушга чиқди. Уларнинг никоҳи бошиданоқ барбод бўлишга маҳкум эди. Қироллик тўйлари, қимматбаҳо тақинчоқлар ва дабдабали интерерларга қарамай, нафақат байрам иштирокчиларида, балки қироллик оила аъзолари ҳам бу никоҳга норози бўлган эди. Қуйида келтирилган тўрт нафар қироллик жуфтлиги турлича сабаблар билан танқидлар ва қаршиликларга қарамай турмуш қурган.

Шаҳзода Чарльз ва малика Диана
1981 йил 29 июлда бўлиб ўтган тўй Буюк Британия тарихдаги энг кўп муҳокама қилинган қироллик никоҳи бўлди. Ўша куни бутун дунё ёш жуфтликнинг тантанасини телевизорлар орқали жонли эфирда кузатиб борган. Бироқ бу никоҳ бошиданоқ баъзиларга шубҳали туюлган.

Тўйга қарши бўлганлар орасида қироллик оиласининг аъзолари билан бирга, келиннинг ўзи Диана ҳам бор эди. У қироллик ҳаётининг қатъий қоидаларига кўникишда қийналган, ўзини турмушга тайёр эмасдек ҳис қилган. Йиллар ўтиб, Чарльз ва Диана ўртасидаги муносабатлар экранларда кўринганидек идеал эмаслиги аён бўлди. Уларнинг можаролари ва шаҳзоданинг садоқатсизлиги қироллик иттифоқини барбод қилди. Бу тўй эса тарихда манфаат асосида қурилган, аммо изтиробли муносабатларнинг рамзига айланди.
Малика Маргарет ва Энтони Армстронг-Жонс

Елизавета II нинг синглиси малика Маргарет 1960 йилда Энтони Армстронг-Жонс билан турмуш қурди. Уларнинг никоҳи ҳам қироллик оиласида турли зиддиятларга сабаб бўлди. Бу иттифоқ аввал бошданоқ бахтли бўлиши баҳсли эди, чунки Армстронг-Жонс ажрашган ва зодагонлар оиласидан эмас эди. Оммавий ахборот воситалари эса уни қироллик оиласига кирган биринчи “оддий одам” деб атарди.
Шунга қарамай, Маргарет ва Армстронг-Жонс турмуш қурди. Аммо уларнинг муносабатлари узоққа чўзилмади: малика бошқа бир эркакни ёқтириб қолди ва натижада улар расман ажрашди.
Шаҳзода Чарльз ва Камилла

2005 йилда шаҳзода Чарльз Камилла Паркер-Боулз билан никоҳдан ўтди. Ушбу никоҳ ҳам кўплаб баҳс-мунозараларга сабаб бўлди. Ҳатто қиролича Елизавета уларнинг тўй маросимда иштирок этмади. Камилла ва Чарльз ўртасидаги муносабатлар ҳали Чарльз Диана билан турмуш қургунга қадар бошланган, Чарльз рафиқасига кўп марта хиёнат қилган эди. Шу сабабли Камилла доимо “маъшуқа” тамғаси билан яшаб келди.
Гарчи бу муносабатлар ҳанузгача турли эътирозларга сабаб бўлса-да, Камилла қироллик ҳаётининг талабларига мослашди. Деярли 20 йиллик турмушдан сўнг у Англия қироличасига айланди.
Шаҳзода Гарри ва Меган Маркл

2018 йилда шаҳзода Гарри ва америкалик актриса Меган Маркл ўртасидаги тўй қироллик анъаналаридан тубдан фарқ қилган эди. Улар аралаш урф-одатлар ва қироллик протоколининг четлаб ўтилган маросимлари учун танқидга учради.
Бу жуфтлик ҳанузгача баҳс-мунозараларга сабаб бўлмоқда. Улар қироллик оиласидан ажралиб чиққач, интервью ва китобларда саройдаги ҳаёт ҳақида очиқчасига салбий тафсилотларни баён этиб келмоқда.
Изоҳ (0)