Йўргакданоқ ҳашаматли ҳаёт: юлдузларнинг туғилиши биланоқ миллионерга айланган фарзандлари

Бу болалар империя меросхўрлари, халқ севган инсонлар ва машҳурлар оиласида дунёга келган. Туғилишиданоқ миллионерга айланган болалар ҳақида маълумот берамиз.

Шаҳзода Луи

Британия қироллик оиласида туғилган шаҳзода Луи ҳозирда 7 ёшда. Албатта, у ҳали ўз даромадига эга эмас, бироқ боланинг асосий молиявий бойлиги — унинг насл-насабидир. Луи оиласи ҳар йили давлатдан таъминот ва Корнуолл герцоглигидан 100 миллион доллардан ортиқ даромад олади. Бу маблағнинг бир қисми аллақачон кичик шаҳзода ҳисобида сақланаётган бўлса, ажаб эмас

Блу Айви Картер

Jay-Z ва Бейонсенинг 13 ёшли қизи аллақачон Billboard’га кирди, “Гремми” мукофотини қўлга киритди, онасининг концертида рақс гуруҳида қатнашди, аудиокитобга овоз берди... Бу фаолиятлар туфайли ўтган йили Блунинг бойлиги 700 миллион доллардан ошиқ деб баҳоланди. Аммо буларнинг барчаси фарзандлари учун ҳамма нарсага тайёр бўлган ота-оналари туфайлигина амалга ошди.

Сторми Вебстер

Сторми дунёга келганда, унинг ота-онаси Кайли Женнер ва Травис Скотт шуҳрат чўққисида эди. Кайли энг машҳур моделлардан бири ва косметика брендининг эгаси, Травис эса ажойиб мусиқачи эди. Ҳозирда 7 ёшли Стормининг бойлиги 730 миллион долларга етган. Қизалоқнинг аллақачон кроссовкалар ва Prada сумкалари тўплами, шунингдек, онасининг Mercedesига ўхшаш кичик нусхадаги автомобиллари бор.

Норт Уэст

Ким Кардашьян ва Канье Уэст қизи туғилиши биланоқ унга пул жамғармаси ташкил этишди. Бу жамғармага бир нечта биткоинлар, 14 та кўчмас мулк объекти, 5 та яхта ва 65 миллион доллар киритилди. Буларнинг барчаси Норт 24 ёшга тўлганда расман унинг мулкига айланади. Ҳозирда қизалоқ атиги 12 ёшда бўлса-да, у ижтимоий тармоқларни фаол юритиш, мусиқа клиплари ва фотосессияларда суратга тушиш орқали ўзининг бошланғич капиталини деярли 400 миллион долларгача кўпайтирди.

Валентина Палома Пино

Актриса Салма Хайек ва миллиардер Франсуа-Анри Пинонинг қизи жуда камтарона ҳаёт кечиради. У ижтимоий тармоқлардан фойдаланмайди, оммавий ахборот воситаларида камдан-кам кўринади, бироқ вақти-вақти билан онаси билан жамоат олдига чиқади. Шунга қарамай, Валентина дунёдаги энг бой болалардан бири ҳисобланади. У атиги 7 ёшлигида ота-онаси унинг ҳисобига 12 миллион доллар қўйган. Бугунги кунда эса 17 ёшли қизнинг бойлиги қарийб 300 миллион долларга етган. Бундан ташқари, Пинонинг вориси уч тилни мукаммал билади, бу билим ҳам, шубҳасиз, келажакда ўз самарасини беради.