Афсонага айланган инсоннинг фарзанди бўлиш унинг йўлидан бориш дегани эмас. Карьераси бошланмасидан олдин тугаган машҳур шахсларнинг ворислари ҳақида маълумот берамиз.
Жейден Смит: блокбастерлардан кўча хайрия ишларигача
Уилл Смитнинг ўғли “Каратэ болакай” оилавий жангари фильмида ди, кейин эса қойилмақом рол ижро этди, “Эрамиздан кейин” лойиҳасида эса муваффақиятсизликка учради. Жейденнинг реп-альбомлари ўз тингловчиларини топган бўлса-да, Голливудда ўрнини тополмади. Шунинг учун кичик Смит кутилмаган ишни амалга оширди — у уйсизларни бепул овқатлантирадиган озиқ-овқат етказиб берувчи машина сотиб олди. Жейден айнан шу ишда ҳаётининг маъносини топганини айтади.
Кемерон Дуглас: меросхўрликдан суд хроникаларининг қаҳрамонига айланиш йўли
Майкл Дугласнинг ўғли ва Киркнинг набираси бўлсанг, “Оскар”га эришиш осондай туюлади. Бироқ Кемероннинг ҳаёт йўли бошқача кечди: тақиқланган моддалар, гиёҳвандлик, 8 йилга яқин қамоқ муддати. Унинг номи афишалардан кўра кўпроқ жиноий хабарларда тилга олинади. У истеъдодлими? Балки шундайдир. Аммо ўзингизни бошқара олмасангиз, ҳеч қандай таниш-билишлар сизни қутқара олмайди.
Жейси Чан: фамилия юки ва шоҳсупалардан йиқилиш
Жеки Чаннинг ўғли қўшиқ айтишга, кинода суратга тушишга, умуман олганда, машҳур актёрнинг шунчаки авлоди эмаслигини исботлашга уриниб кўрди. Бироқ отасининг шуҳрати енгиб бўлмас тўсиққа айланди: Жейсини доим отаси билан солиштиришди, танқид қилишди ва хатоларини кечирмадилар.
Гиёҳванд моддалар учун олти ойлик қамоқ жазоси унинг карьерасига ҳалокатли таъсир кўрсатди. Ўшандан бери Жейси Чан юлдуз бўлиш истагидан бутунлай воз кечгандек, жамоатчилик эътиборидан ўзини олиб қочмоқда.
Генри Хоппер: жанжаллар сабаб барбод бўлган истеъдод
Актёр 2011 йилда Гас Ван Сентнинг “Таслим бўлма” драмасида илк бор рол ижро этди. Ҳаммага у Дэннис Хоппернинг муносиб вориси бўлиб туюларди. Камера уни яхши кўрар, темпераменти сезилиб турарди. Бироқ ёшликдаги хатолар унинг карьерасига соя солди: айбловлар, жанжал ортидан жанжал... Суд бўлмаса-да, буларнинг барчаси карьерасини кескин секинлаштирди. Генри Хоппер фақат Жеймс Франконинг фильмида суратга тушди ва ҳозир қизил гиламларда кўриниш беришдан кўра ёлғизликни афзал билади.
Бу болаларнинг ҳаёти машҳур фильмларнинг муваффақиятсиз давомига ўхшайди: баландпарвоз фамилиялар, катта бюджетлар, ҳаддан ташқари юқори умидлар ва ҳамманинг ҳафсаласини пир қилган якуний натижа.
Изоҳ (0)