Машҳур турк актрисаси, “Қалбим эшигини қоқ” сериалидаги роли билан танилган Ҳанде Эрчел “Эмили Парижда” лойиҳаси юлдузларидан бири билан учрашди.
Ижтимоий тармоқдаги саҳифасида Ҳанде заргарлик брендига бағишланган тадбирдан суратлар билан пост қолдирди. Мазкур тадбирда “Эмили Парижда” сериалида бош қаҳрамон Эмилининг бошлиғи Силвия образини яратган актриса Филиппин Лероа-Боле ҳам меҳмон бўлган. Иккала актриса бирга тушган суратлар Эрчелнинг саҳифасида пайдо бўлди.
Ҳанде Эрчел — Туркиянинг машҳур актрисаларидан бири, у 1993 йил 24 ноябрь куни Bandirma шаҳрида туғилган. Ҳанде болалигидан кинога қизиққан ва Мимар Синан Санъат университетида таҳсил олган.
У илк бор “Гунеш қизлари” сериали орқали танилган, сўнг “Қалбим эшигини қоқ” сериалидаги Эда роли машҳур бўлган. Актриса бу образ орқали нафақат Туркияда, балки халқаро миқёсда ҳам мухлислар орттирган.
Ҳанде актёрликдан ташқари модел сифатида ҳам фаолият юритади. У 2012 йилда гўзаллик танловида ғолиб чиқиб, “Miss Civilization of the World” унвонини қўлга киритган. У Maybelline, Nocturne, Atasay каби таниқли компаниялар билан реклама ҳамкорлигида ишлаган.
Ижтимоий тармоқларда ҳам Ҳанде жуда фаол, унинг Instagram саҳифасида 32 миллионга яқин обуначиси бор. Актриса турли мукофотларга сазовор бўлган ва ҳозирда ҳам янги лойиҳаларда суратга тушишда давом этмоқда.
Изоҳ (0)