Франциянинг Ландерно шаҳридаги аҳоли смурфлар костюмидаги одамлар сони бўйича жаҳон рекордини ўрнатди. Бу ҳақда франшизанинг Instagramʼдаги расмий саҳифасида хабар берилган.
Биринчи марта бундай рекорд 2019 йилда Германияда ўрнатилган, ўшанда мультфильмдаги кўк қаҳрамонларнинг кийимларида 2762 киши чиққан. Шундан сўнг Ландерно аҳолиси рекордни икки марта янгилашга ҳаракат қилди, аммо учинчи уринишдагина рекордчи бўлишга муваффақ бўлди.
Бу сафар 18 июль куни “Смурфлар” фильмининг премераси олдидан Paramount Pictures шаҳар аҳолисининг ташаббусини қўллаб-қувватлади.
Кўк персонажларнинг образини биринчи марта белгиялик рассом Пер Кюллифор (тахаллуси — Пеё) 1958 йилда чизган. 1980 йилларда “Смурфлар” анимацион сериали чиқа бошлади, шундан буён ноодатий қаҳрамонлар жаҳонга машҳур бўлди.
Изоҳ (0)