Парижнинг “ПСЖ” ҳужумчиси Усман Дембеле жароҳат олиб, жамоанинг машғулотида иштирок этмади. Бу ҳақда журналист Фабрис Хоукинс хабар бермоқда.
Унинг маълумотларига кўра, Дембеленинг Чемпионлар Лигаси ярим финалининг жавоб учрашувидаги Лондоннинг “Арсенал” клубига қарши ўйнаш имконияти (7 май) савол остида қолмоқда. Шунингдек, у 3 май кунги “Страсбург”га қарши ўтказиладиган учрашувида ҳам майдонга тушмаслик эҳтимоли бор.
Клуб ҳозирча 27 ёшли футболчининг жароҳати жиддийлигини ошкор қилмаган. Аммо манбада Усмон бир неча ҳафтага сафдан чиққанини айтмоқда.
Маълумот учун жорий мавсумда Дембеле Париж клуби таркибида 45 та ўйинда иштирок этиб, ўз ҳисобига 33 та гол ва 12 та голли узатма ёздириб қўйган.
Унинг клуб билан амалдаги шартномаси 2028 йилнинг ёзига қадар амал қилади. Transfermarkt портали Дембеленинг қийматини 75 миллион еврога баҳоламоқда.
Изоҳ (0)