Наврўз умумхалқ байрамини муносиб нишонлаш, маданий-маънавий ҳамда тарғибот тадбирлари ҳамда юртимизнинг бой маданий меросини ва ўзбек халқига хос миллийликни кенг тарғиб қилишга, шунингдек миллий қадриятларимизни асраб-авайлаш, миллий урф-одатлар ва анъаналарни қадрлаш мақсадида жорий йилнинг 10 апрель санасида Ўзбекистоннинг Қозоғистон Респубикасидаги дипломатик ваколатхона биносида Остона шаҳридаги ватандошлар ҳамда ўзбекистонлик талабалар иштирокида “Ўзбек миллий кийимлари куни” мавзусида брифинг ўтказилди.
Мазкур тадбирда Қозоғистон томонидан Парламент Сенати аъзоси А.Сотволдиев, Мақсут Нарикбаев Университети профессори I.Қорабоев, Технология ва бизнес Университети профессори С.Жубаев, Остона шаҳридаги Ўзбек этномаданий маркази раиси Ш.Пулатов, Давлат ва жамият арбоби Е.Бектурганов, “Дўстлик” ҳамжамияти раис ўринбосари Х.Шарипов, ЛИНГВА TEN тил маркази директори V.Тен ва бошқалар иштирок этди.
Учрашувда мазкур йўналишда саъй-ҳаракатлар, айниқса, глобализация жараёнларида миллат ва элатларнинг ўзлиги йўқолиб кетаётган ҳозирги даврда миллий руҳни сақлаб қолиш, миллийлигимизни кенг тарғиб қилиш асрлар давомида сақланиб келаётган қадриятларимиз занжирини давом эттириб, келажак авлодларга етказиш, ёшларда ўзлигимизни ифодаловчи белгиларга (кийимлар, матолар, нақшлар, ўзига хос буюмлар ва бошқалар) нисбатан ифтихор туйғусини шакллантиришда муҳим аҳамият касб этиши маълум қилинди.
Миллий либослар авлодлар ўртасидаги маданий меросни сақлаш ва келажакка етказишда ўзига хос ўринлиги ва халқимизнинг тарихи ва қадриятлари рамзи сифатида ҳам хизмат қилиши таъкидланди.
Мазкур тадбир авлодлар ўртасидаги маданий меросни сақлаш ва келажакка етказишда ўзига хос ўрин тутиши ҳамда миллий мафкура ва маънавий қадриятларни шакллантириш, ёшлар тарбиясида кийиниш маданиятини тўғри йўналтириш муҳим аҳамият касб этиши, атлас, адрас, беқасам сингари матолардан тикилган миллий либосларимиз кўркам ва ўзига хослиги билан ҳар қандай кишини ҳайратга солиши маълум қилинди.
Сўзга чиққан меҳмонлар ўзбек-қозоқ муносабатларининг тарихий қадрияти, бугунги кундаги олий даражаси, икки давлат Раҳбарларининг икки томонлама ҳамкорлигининг мустаҳкамланишига қўшаётган ҳиссасини юқори баҳолаб, 2024 йилдаги август ойидаги ва жорий йил март ойидаги олий даражадаги учрашувларни мисол сифатида келтиришди.
Учрашув сўнгида, меҳмонларга байрам дастурхони ташкил қилиниб, ўзбек миллий таоми ош берилди.
Изоҳ (0)