Президент матбуот котиби Шерзод Асадов Ўзбекистон журналистика ва оммавий коммуникациялар университети томонидан Наврўзга бағишлаб ташкил этилган тадбирда меҳмон бўлди.
Тадбир доирасида бадиий саҳна чиқишлари, миллий таомлар, маданий кўргазмалар, мусиқий дастурлар ҳамда қардош мамлакатлар ва яқин ҳамкорлар маданиятига бағишланган экспозициялар билан танишилди.
Самимий ва байрамона муҳитда устоз-журналистлар, соҳа фахрийлари, университет жамоаси ҳамда талабалар билан суҳбатлашилди.
“Бундай тадбирлар тарихимиз ва бой маданиятимизга бўлган ҳурмат, миллий анъаналаримизни асраб-авайлаш руҳини юксалтириш билан бирга, авлодлар ўртасидаги ришталарни мустаҳкамлаш, тажрибали журналистлар ва соҳага кириб келаётган ёшлар учун мулоқот майдони сифатида ҳам катта аҳамиятга эга”, деб ёзади Шерзод Асадов.
Изоҳ (0)