Президент матбуот котиби Шерзод Асадов Тошкентда Euronews медиа холдинги раҳбари Педро Варгас Давид билан учрашув ўтказди.
Мулоқотда ҳамкорликнинг долзарб масалалари юзасидан мазмунли фикр алмашилди.
Мамлакатимизда “Атроф-муҳитни асраш ва яшил иқтисодиёт йили” мақсадларини амалга ошириш доирасида Euronews билан ўзаро манфаатли шерикликни ривожлантиришдан манфаатдормиз, деб ёзади Шерзод Асадов.
Президент матбуот котиби 2024 йилнинг ноябрь ойида ҳам Педро Варгас Давид билан учрашганди. Унда жаҳон аудиториясини Ўзбекистондаги асосий ислоҳотлар ва унинг халқаро ташаббуслари, мамлакатда ўтказилаётган йирик тадбирлар ҳақида хабардор қилиш, ОАВ ва матбуот хизматлари ходимларининг малакасини ошириш масалаларининг кенг доираси муҳокама қилинган эди.
Изоҳ (0)