“Anora” filmini targ‘ibot qilish huquqlarini qo‘lga kiritgan Neon studiyasi reklama kampaniyasiga qariyb 18 million dollar sarfladi, deb xabar berdi “Zakon.kz”.
Distribyutor studiyaning bosh direktori Tom Kuinn so‘zlariga ko‘ra, mazkur ko‘rsatkich film byudjetidan uch baravar ko‘pdir. “Anora”ning butun dunyo bo‘ylab kassa tushumlari 46,7 millionga yetgan bo‘lsa-da, natija kutilganidan kamroq bo‘ldi. Shu bilan birga, filmni targ‘ib qilish ishlari
- bosma, onlayn va televideniye orqali reklama;
- “Oskar”da ovoz beruvchi Amerika Akademiyasi a’zolari uchun DVD disklarni ishlab chiqarish kabilarni o‘z ichiga oldi.
“Anora” filmi Apple va Amazon platformalarida mashhurlik bo‘yicha birinchi o‘rinni egallashi ham loyihaning reklama kampaniyasi muvaffaqiyatli bo‘lganini anglatadi.
Rejissyor Shon Beyker tomonidan suratga olingan ushbu film “Eng yaxshi film”, “Eng yaxshi rejissyor”, “Eng yaxshi original ssenariy” va “Eng yaxshi montaj” kabi to‘rtta “Oskar” mukofotini qo‘lga kiritdi. Shuningdek, bosh rolni ijro etgan Mayki Medison “Eng yaxshi aktrisa” nominatsiyasida g‘olib bo‘ldi.
Izoh (0)