2025 йилга мўлжалланган ресторан нархлари индекси бўйича мамлакатлар рейтингида Ўзбекистон 139 та давлат орасида 17-ўринни эгаллади.
Мамлакат индекси 20,8 ни ташкил этмоқда. Ушбу кўрсаткич ресторан ва барлардаги озиқ-овқат ҳамда ичимликлар нархини АҚШнинг Нью-Ёрк шаҳридаги нархлар билан таққослайди. Қўшма штатлардаги индекс 100 деб қабул қилинган. Шу тариқа Ўзбекистондаги нархлар Нью Йоркка қараганда ўртача 79,2 фоизга паст.
Энг паст кўрсаткичлар Ливия, Мадагаскар ва Афғонистонда, энг юқори кўрсаткичлар эса Швейцария, Исландия ва Багам оролларида қайд этилган.
МДҲ давлатлари орасида эса Ўзбекистондаги ресторан хизматлари энг арзон деб топилди. Таққослаш учун: Қирғизистонда бу индекс 21,4, Россияда – 21,8, Украинада – 21,9, Молдовада – 27,2, Беларусда – 27,5, Қозоғистонда – 28, Озарбайжонда – 33,1 ва Арманистонда – 42,3 ни ташкил этди.
Тошкент супермаркетларида нархи пасайган 6 та маҳсулот
Макроиқтисодий ва ҳудудий тадқиқотлар институти мутахассислари 2025 йилнинг февраль ойида Тошкентдаги йирик супермаркетларда 21 номдаги озиқ-овқат маҳсулотлари нархининг ўзгаришини кўриб чиққан эди.
Мониторингга кўра, 6 номдаги маҳсулотнинг минимал нархлари ўтган ойдагига нисбатан пасайган. Картошканинг минимал нархи 26,1 фоиз, қизил сабзиники 11,3 фоиз, лавлагиники 8,2 фоиз, тухумники 7,8 фоиз, сутники 0,9 фоиз, шакарники 0,4 фоиз пасайган. Ўтган ойда картошка нархи ошганидан кейин Покистондан картошка импорт қилинди ва бу унинг нархи пасайишига олиб келди.
8 маҳсулотнинг нархи эса ошди, улар қаторида оқбош карам ва бодиринг бор. Буғдой уни, гуруч, гречка, макарон, олма, банан, товуқ гўшти (филе) нархлари эса ўзгаришсиз қолган.
Изоҳ (0)