2025 йил 20 февраль куни Жиззах шаҳрида Ўзбекистонда брендни ривожлантиришда муҳим босқич бўлган Kia йиллик дилерлик конференцияси бўлиб ўтди.
Тадбирда ADM Global компаниялар гуруҳи, Kia минтақавий штаб-квартираси вакиллари, бренднинг мамлакат бўйлаб барча ҳудудларидан расмий дилерлари, шунингдек, МДҲ бўйича Kia президенти Им Жеу иштирок этди.
Конференция 2024 йил якунлари таҳлили билан бошланди. Ўзбекистон бозорида Kia сотувининг ўсиши ва моделлар қаторининг сезиларли даражада кенгайиши қайд этилди. Муваффақиятнинг асосий омиллари қаторида қуйидагилар қайд этилди: ADM Jizzakh автомобиль заводида ишлаб чиқарилган Kia брендининг мутлақо янги биринчи модели – Sonetънинг ишга туширилиши, шунингдек, самарали маркетинг кампаниялари, хизмат кўрсатишнинг яхшиланиши ва мижозларнинг юқори даражадаги қониқиши.
Kia Uzbekistan раҳбарияти дилерлик тармоғини кенгайтириш, инновацион хизматларни жорий этиш ва Ўзбекистон автомобиль бозорида бренд мавқеини кучайтиришни ўз ичига олган 2025 йилга мўлжалланган стратегик режасини тақдим этди.
Мижозларга қулайлик яратишга қаратилган рақамли ечимлар, жумладан, онлайн брон қилиш ва босқичма-босқич онлайн сотувга ўтиш масалаларига алоҳида эътибор қаратилди.
Kia автомобилларини харидорларнинг кенг оммасига тақдим этиш мақсадида, Ўзбекистоннинг турли шаҳарларида янги марказларни очишдан ташқари дилерлик конференциясида 2025 йилда Ўзбекистонда Kia брендини ривожлантиришнинг қуйидаги асосий жиҳатларига алоҳида эътибор қаратилди:
- содиқликни ошириш ва бренд атрофида қулай муҳит яратишга қаратилган маркетинг тадбирлари, шунингдек, мижозлар ва уларнинг оилалари учун тадбирлар;
- мамлакатимиз автомобиль бозорида юқори сифат ва хавфсизлик стандартларига жавоб берадиган янги ва замонавий моделларни йўлга қўйиш;
- дилерлар ишини оптималлаштириш – тадбир иштирокчилари хизмат кўрсатиш сифати, сотув самарадорлиги ва мижозлар билан ўзаро муносабатларни яхшилаш усулларини муҳокама қилдилар.
Тадбирда Kia расмий дилерлик марказлари вакилларига 2025 йилда Sonet билан биргаликда ADM Jizzakh CKD заводида йиғилиши режалаштирилган янги модел намойиш этилди. Шунингдек, уларга завод бўйлаб экскурсия ўтказилиб, унда кичик узелли йиғиш (CKD) бўйича бутун жараён таништирилди.
Жиззахдаги Kia дилерлик конференцияси Ўзбекистон автомобиль бозорининг асосий тенденцияларини муҳокама қилиш, ҳамкорлик алоқаларини мустаҳкамлаш ва янги улкан мақсадларни шакллантириш учун муҳим бўлган майдонга айланди.
Kia расмий дилерлари ва ADM Global компаниялар гуруҳининг биргаликдаги саъй-ҳаракатлари туфайли бренд мижозларга инновацион ечимлар ва юқори даражадаги сервис кўрсатиш орқали ўз мавқеини мустаҳкамлашда давом этмоқда.
Ўзбекистонда Kia автомобиль бренди расмий дистрибютори бўлган ADM Global компаниялар гуруҳи томонидан тақдим этилган Kia автомобилларининг хусусиятлари, мавжуд комплектациялар ва нархлари билан kia.uz сайтида танишиш мумкин.
Телефон: (+998) 55−500−83−33
- Сайт: http://kia.uz/
- Facebook: https://www.facebook.com/KiaUzbekistan/
- Instagram: https://www.instagram.com/kia__uzbekistan
- Telegram: https://t.me/kiauzbekistanbot
- YouTube: https://www.youtube.com/@kiauzbekistan
Реклама ҳуқуқи асосида.
Изоҳ (0)