“Ревизор”нинг ёзишича Қишлоқ хўжалиги вазирлиги БМТнинг ёрдам пулидан қимматбаҳо машина сотиб олган. Унга кўра, БМТнинг Озиқ-овқат ва қишлоқ хўжалиги ташкилоти “Ўзбекистоннинг қурғоқчиликка учраган экотизимларида яйловлар ва ўрмонларни барқарор бошқариш” лойиҳаси доирасида Қишлоқ хўжалиги вазирлигига дастлабки грант маблағларини ажратган.
![](/static/2024/09/06/Screenshot_6-6G7JZ-c6.jpg)
Қишлоқ хўжалиги вазирлиги эса лойиҳанинг самарали топширилишини таъминлаш ҳамда лойиҳа ҳудудларига мунтазам равишда хизмат сафарларини амалга ошириш мақсадида қарийб 600 млн сўмлик бир дона KIA Carnival Prestige автомобилини харид қилган.
Мазкур харид бўйича Қишлоқ хўжалиги вазирининг ахборот сиёсати масалалари бўйича маслаҳатчиси Дилшодбек Назиров “Дарё”га изоҳ берди.
“Буларнинг барчаси қонуний бўлган, тендер савдоларига чиқарилган. FAO берган лойиҳанинг техник шартларида 60 минг доллар эвазига автомобиль сотиб олиш ҳам бор.
FAO масъуллари билан боғланганимизда жамоатчилик мазкур лойиҳа юзасидан айнан нимага эътироз борлигини тушунмаётганини айтишди. Лойиҳа 5 йилга мўлжалланган ва бу вақт оралиғида транспортдан фойдаланиш учун айнан шу сумма кўрсатилган”, дейди Дилшодбек Назиров
Маълумот учун, айни кунда вазирликнинг МИБ органида жами 85,3 миллион сўм қарздорлиги мавжуд. Ушбу қарздорлик жиноят натижасида етказилган зарар ҳисобидан вужудга келган.
Изоҳ (0)