KfW банки (Германия) иштирокидаги “Оролбўйи минтақасида тиббий хизмат сифатини ошириш” лойиҳасини амалга ошириш чора-тадбирлари тўғрисида”ги президент қарори қабул қилинди.
Қарорга кўра, “Оролбўйи минтақасида тиббий хизмат сифатини ошириш” лойиҳаси бўйича қуйидагилар тасдиқланди:
- лойиҳанинг асосий техник-иқтисодий кўрсаткичлари;
- лойиҳани амалга ошириш доирасида KfW банкининг қарзларини қайтариш, шу жумладан, қўшимча ҳақ ва фоизлар тўлашнинг прогноз жадвали;
- Қорақалпоғистон Республикаси ва Хоразм вилояти тиббиёт муассасалари учун харид қилинадиган тиббий жиҳозлар тақсимоти;
- харид қилинадиган махсус автотранспорт воситаларининг ҳудудлар бўйича тақсимоти.
Соғлиқни сақлаш вазирлиги лойиҳани ўз вақтида амалга ошириш ҳамда мувофиқлаштириш, грантлардан мақсадли ва самарали фойдаланиш бўйича масъул ижро этувчи орган ҳисобланади. Вазирлик ҳузуридаги “Харидлар маркази” давлат муассасаси лойиҳани амалга ошириш доирасида тузилган шартномалар бўйича юк қабул қилувчи контрагент ҳисобланади.
Ҳужжатда айд этилишича, “Оролбўйи минтақасида тиббий хизмат сифатини ошириш” лойиҳасини амалга ошириш учун қарз ва грант ажратиш бўйича келишувга Ўзбекистон ва Германия ҳукуматлари ўртасида 2019 йил 22—22 май кунлари икки томонлама ҳамкорликни ривожлантириш бўйича ўтказилган ҳукуматлараро музокалар наритасига кўра эришилган.
Ўзбекистон ва KfW баки ўртасида 2023 йил 19 май куни лойиҳасини молиялаштириш учун 5,5 йиллик имтиёзли давр билан 12,5 йил муддатга 30 миллион евро миқдорида қарз битими ҳамда 2 миллион евро миқдорида грант битими имзоланган.
KfW банкининг қарз маблағларини қайтариш, шу жумладан қўшимча ҳақ ва фоизлар тўлаш, бошқа тўловлар билан боғлиқ харажатлар Ўзбекистоннинг бюджет маблағлари ҳисобидан қопланади.
Изоҳ (0)