KfW banki (Germaniya) ishtirokidagi “Orolbo‘yi mintaqasida tibbiy xizmat sifatini oshirish” loyihasini amalga oshirish chora-tadbirlari to‘g‘risida”gi prezident qarori qabul qilindi.
Qarorga ko‘ra, “Orolbo‘yi mintaqasida tibbiy xizmat sifatini oshirish” loyihasi bo‘yicha quyidagilar tasdiqlandi:
- loyihaning asosiy texnik-iqtisodiy ko‘rsatkichlari;
- loyihani amalga oshirish doirasida KfW bankining qarzlarini qaytarish, shu jumladan, qo‘shimcha haq va foizlar to‘lashning prognoz jadvali;
- Qoraqalpog‘iston Respublikasi va Xorazm viloyati tibbiyot muassasalari uchun xarid qilinadigan tibbiy jihozlar taqsimoti;
- xarid qilinadigan maxsus avtotransport vositalarining hududlar bo‘yicha taqsimoti.
Sog‘liqni saqlash vazirligi loyihani o‘z vaqtida amalga oshirish hamda muvofiqlashtirish, grantlardan maqsadli va samarali foydalanish bo‘yicha mas’ul ijro etuvchi organ hisoblanadi. Vazirlik huzuridagi “Xaridlar markazi” davlat muassasasi loyihani amalga oshirish doirasida tuzilgan shartnomalar bo‘yicha yuk qabul qiluvchi kontragent hisoblanadi.
Hujjatda ayd etilishicha, “Orolbo‘yi mintaqasida tibbiy xizmat sifatini oshirish” loyihasini amalga oshirish uchun qarz va grant ajratish bo‘yicha kelishuvga O‘zbekiston va Germaniya hukumatlari o‘rtasida 2019-yil 22—22-may kunlari ikki tomonlama hamkorlikni rivojlantirish bo‘yicha o‘tkazilgan hukumatlararo muzokalar naritasiga ko‘ra erishilgan.
O‘zbekiston va KfW baki o‘rtasida 2023-yil 19-may kuni loyihasini moliyalashtirish uchun 5,5 yillik imtiyozli davr bilan 12,5 yil muddatga 30 million yevro miqdorida qarz bitimi hamda 2 million yevro miqdorida grant bitimi imzolangan.
KfW bankining qarz mablag‘larini qaytarish, shu jumladan qo‘shimcha haq va foizlar to‘lash, boshqa to‘lovlar bilan bog‘liq xarajatlar O‘zbekistonning byudjet mablag‘lari hisobidan qoplanadi.
Izoh (0)