Президентнинг «Қорақалпоғистон Республикасида 2022–2024 йилларда аҳоли саломатлигини муҳофаза қилишни янада кучайтириш тўғрисида»ги қарори қабул қилинди, деб хабар бермоқда Telegram’даги «Нигоҳ» канали.
Ҳужжатга кўра, қуйидагилар ташкил этилади:
- сурункали касаллиги ва ногиронлиги мавжуд бўлган болалар учун 120 ўринли Болалар тиббий реабилитация маркази;
- 80 ўринли Болалар фтизиатрия санаторийси;
- Нукус шаҳар тиббиёт бирлашмаси таркибида 20 ўринли хирургия бўлими;
- Қорақалпоғистон Республикаси кўп тармоқли тиббиёт марказининг хирургия бўлими негизида академик V. Воҳидов номидаги Республика ихтисослаштирилган хирургия илмий-амалий тиббиёт марказининг Нукус филиали;
- Нукус шаҳар тиббиёт бирлашмаси таркибида мавжуд ўринлар доирасида умидсиз оғир беморлар учун 20 ўринли паллиатив ёрдам кўрсатадиган бўлим (хоспис).
2022 йил 1 июлдан лепрозорийларда ишлайдиган барча ходимларнинг лавозим маошига 50 фоиз миқдорида устама белгиланади.
Аввалроқ президент қарори билан Нукус технопарки махсус саноат зонаси ташкил этилгани ҳақида хабар берилган эди.
Изоҳ (0)