Шахмат спорт турини ёритувчи нуфузли “Chess.com” сайти 2024 йилда шахмат турнирларида энг катта мукофот пулларини қўлга киритган шахматчилар рўйхатини эълон қилди.
Унга кўра, Ўзбекистоннинг биринчи рақамли шахматчиси Нодирбек Абдусатторов ўтган йили 132 981 доллар ишлаб топгани маълум бўлди. У йил давомида 12 та йирик турнирда қатнашган.
Бу рўйхатда жаҳон чемпиони, ҳиндистонлик Гукеш Доммаражу пешқадамликни қўлга киритди. У 2024 йилда 1,5 миллиондан ортиқ мукофот пулига эга чиққан.
Маълумот учун, ўзбекистонлик шахматчи FIDE рейтингида 6-ўринда бормоқда.
Нью-Ёркда рапид ва блиц бўйича Жаҳон чемпионати ўтказилди. Рапид йўналишида 18 ёшли Володар Мурзин (2588) энг тажрибали рақибларини ортда қолдириб, жаҳон чемпионига айланди. Жавоҳир Синдоров 6-ўринни эгаллади. Нодирбек Абдусатторов кучли 30 ликдан ўрин олди.
Блиц бўйича мусобақада ўзбекистонлик спортчилар плей-офф чиқа олмай мусобақани эрта якунлади.
Изоҳ (0)