34 ёшли норвегиялик шахмат устаси, 16-жаҳон чемпиони Магнус Карлсен блиц бўйича Жаҳон Чемпионатида иштирок этишини маълум қилди.
Аввалроқ шахматчи Нью-Йоркда бўлиб ўтган 2024 йилги рапид бўйича Жаҳон Чемпионатида кийиниш қоидаларига риоя қилмагани сабабли дисквалификация қилинган эди.
Спортчи ўша пайтда ташкилотга нисбатан бойкот эълон қилиб блиц бўйича жаҳон чемпионатида иштирок этишдан ҳам воз кечганди.
Магнус FIDE президенти Аркадий Дворкович ва мусобақа бош ҳомийси Тимур Турлов билан суҳбатдан кейин фикрини ўзгартирган.
“Мен ўз интервьюмда FIDE ҳақида кескин гаплар айтдим. Ташкилот эмас, балки баъзи шахсларга мурожаат қилгандим. Бу муаммони мен эмас, улар келтириб чиқаришди деб ўйлайман. Мен ҳатто Нью Йоркни тарк этиш учун чипта ҳам олгандим. Аммо отам FIDE президенти билан гаплашиб кўришим кераклигини айтди. Дворкович билан муносабатларимиз ҳамиша яхши бўлган. Нью-Йоркда яна бир кун ўйнайман. Агар ҳаммаси яхши кетса, кейинги куни ҳам қатнашаман”, деди Карлсен “Тakе Таke Таke” подкастида.
Маълумот учун, рапид йўналишида 18 ёшли Володар Мурзин (2588) энг тажрибали рақибларини ортда қолдириб, жаҳон чемпионига айланди. Жавоҳир Синдоров 6-ўринни эгаллади. Нодирбек Абдусатторов кучли 30 ликдан ўрин олди.
Изоҳ (0)