Luis Suarez o‘z joniga qasd qilishni rejalashtirgan erkakni qutqarishda ishtirok etdi.
“Inter Mayami”ning urugvaylik futbolchisi Luis Suárez o‘z vatanida ta’til vaqtida favqulodda voqeaning guvohi bo‘ldi.
Ciudad de la Costa shahrida 49 yoshli erkak olti metr balandlikdagi daraxtga chiqib, sevgilisi bilan ko‘rishishni talab qilgan. Erkak kechasi oilaviy zo‘ravonlikka qarshi kurash bo‘limiga qo‘ng‘iroq qilib, o‘z niyatini bildirgan, so‘ngra telefonini tashlab, daraxtga chiqib olgan.
El Observador nashrining yozishicha, erkak o‘z joniga qasd qilish bilan tahdid qilgan va bo‘yniga arqon bog‘lagan.
Voqeadan xabar topgan Luis Suarez hodisa joyiga kelib, erkakni bu niyatidan qaytarishga harakat qilgan. Bu yerda favqulodda psixosotsial yordam brigadasi, prokuratura, Respublika gvardiyasi vakillari va boshqa mas’ullar ishlagan.
18 soatdan so‘ng, erkak daraxtdan tushishga rozi bo‘lgan. Endi u psixiatrik ekspertizadan o‘tkaziladi.
Izoh (0)